Peeling

Peeling-u bën të mundur trajtimin e shenjave të plakjes së lëkurës si rrudhat dhe njollat pigmentuese, me anë të aplikimit të një produkti kimik që provokon një lloj dermabrazioni sipërfaqësor. Me pak fjalë, një pjesë e lëkurës sipërfaqësore do të bjerë për ti lënë vendin një lëkure të re. Peeling-u homogjenizon ngjyrën dhe sipërfaqen e lëkurës dhe i jep fytyrës një shkëlqim dhe pamje më të mirë. Peelingët që përdoren në mjekësinë estetike janë 3 lloje: të lehtë, të mesëm dhe të thellë. Në funksion të problemit të lëkurës suaj, mjeku do të zgjedhë për ju llojin e peelingut për të cilin keni nevojë.

Peeling-ët e lehtë kanë në përgjithësi për bazë acide frutash, por gjithashtu edhe acide të tjera ku më të njohurit janë: acidi glikolik, acidi trikloracetik, acidi saliklik dhe fenoli. Pas aplikimit të një peeling-u ju duhet të evitoni në maksimum ekspozimet në diell. Procedura përsëritet 4 herë, një herë në tre javë, dhe pas këtyre seancave rezultati do të jetë shumë i kënaqshëm.

Peeling-u i mesëm, ka përbërje acidi trikloracetik. Ai vepron midis epidermës dhe dermës duke zhdukur njollat dhe rrudhat. Peeling-u i thellë, ka përbërje fenoli. Ai vepron shumë në thellësi, njësoj si lazeri. Në përgjithësi ky peeling nuk bëhet në gjithë fytyrën por vetëm mbi buzën e sipërme dhe kapakët e poshtëm të syve. Nëse duhet ta kryeni mbi të gjithë fytyrën, atëherë nevojitet anestezi. Fillimisht, aplikohet fenoli, dhe më pas përdoret një produkt tjetër me efekt afshimi. Ky peeling është i dhimbshëm dhe jep skuqje të forta për rreth 15 ditë.

© Copyright 2019 - Kirurgjia Estetike Franceze | Të gjitha të drejtat e rezervuara. - Enfold Theme by Kriesi
WhatsApp chat