Blefaroplastia ose kirurgjia e kapakëve të syve

 Blefaroplastia është nderhyrja kirurgjikale tek kapakët e syrit e cila ka për qëllim eliminimin e defekteve të shkaktuara nga mosha, apo ato që lidhen me fizionominë e pacientit. Kjo ndërhyrje përfshin dy kapakët e syrit (të sipërm ose të poshtëm) apo të katërt njëkohësisht.

Blefaroplastia propozon korrigjimin e shenjave të plakjes që shfaqen në kapakët e syrit duke zëvendësuar pamjen e «lodhur» të syve, me një pamje më të freskët dhe të tendosur. Ajo përfshin ndërhyrje në rastet kur kapakët e siperm janë të rënë dhe ka një tepricë lekure që formon një palosje të dukshme. Një ndërhyrje e tillë mund të kryhet edhe kur kemi të bëjmë me kapakë të poshtëm të rënë që shoqërohen me rrudha të vogla horizontale si pasojë e tërheqjes së lëkurës dhe së fundmi kur kemi të bëjmë me hernie dhjamore që shkakton «qeset poshtë syve» ose «fryrjen» e syve.

Ndërhyrja ka për qëllim korrigjimin në mënyrë kirurgjikale të tepricave të lëkurës dhe të dhjamit tek kapakët e syrit, pa cënuar funksionin e tyre. Ndërhyrja mund të praktikohet si tek femra ashtu dhe tek mashkulli, pas moshës 40 vjeçare, por mund të realizohet edhe më herët, si pasojë e faktorëve të trashëgimisë dhe jo të atyre që lidhen me moshën (siç mund të jenë qeset dhjamore poshtë syve).

Përpara ndërhyrjes

Përpara ndërhyrjes kryhet një vizitë mjekësore dhe një analizë e syve nga kirurgu për të parë nëse ka ndonjë anomali e cila mund të komplikojë ndërhyrjen. Këshillohet të kryhet një analizë oftalmologjike për të ekzaminuar ndonjë patologji të mundshme okulare.

Anestezia

Dallohen tre lloje procedurash në tipet e anestezive që aplikohen në këtë ndërhyrje: Anestezi lokale, ku produkti analgjezik injektohet për të përftuar pandjeshmërinë e kapakëve të syve; anestezi lokale e thelluar me qetësues që administrohen në rrugë intra-venoze; dhe anestezi klasike e përgjithshme, gjatë së cilës pacienti është në gjendje gjumi. Zgjedhja e teknikës së anestezisë do të diskutohet midis pacientit, kirurgut dhe mjekut anestezist.

Ndërhyrja

Çdo kirurg ka një teknikë të vetën operatore të cilën ai e përdor për të arritur rezultatet më të mira për pacientin, por gjithsesi parimet bazë janë të njëjtat. Incizionet (prerjet) në kapakët e sipërm janë të shpërndara në sillonin midis pjesës së lëvizshme dhe asaj të palëvizshme të kapakut të syrit.

Në kapakët e poshtëm ato kryhen 1-2 mm poshtë qerpikëve dhe mund të zgjaten pak më jashtë. Shenjat e incizioneve janë sigursht edhe cikatricet e ardhshme të cilat duke u fshehur në palosjet natyrale të syrit, mbeten të padukshme.

Kur interventi synon vetëm «qeset e syrit » dhe nuk ka tepricë lëkure, mund të realizohet një blefaroplasti e brendshme me incizione në pjesen e brendshme të kapakut të poshtëm që nuk lë asnjë cikatrice të dukshme. Qepjet realizohen me fije tepër të holla, zakonisht të patretshme që hiqen disa ditë pas interventit.

Ndërhyrja

Çdo kirurg ka një teknikë të vetën operatore të cilën ai e përdor për të arritur rezultatet më të mira për pacientin, por gjithsesi parimet bazë janë të njëjtat. Incizionet (prerjet) në kapakët e sipërm janë të shpërndara në sillonin midis pjesës së lëvizshme dhe asaj të palëvizshme të kapakut të syrit.

Në kapakët e poshtëm ato kryhen 1-2 mm poshtë qerpikëve dhe mund të zgjaten pak më jashtë. Shenjat e incizioneve janë sigursht edhe cikatricet e ardhshme të cilat duke u fshehur në palosjet natyrale të syrit, mbeten të padukshme.

Kur interventi synon vetëm «qeset e syrit » dhe nuk ka tepricë lëkure, mund të realizohet një blefaroplasti e brendshme me incizione në pjesen e brendshme të kapakut të poshtëm që nuk lë asnjë cikatrice të dukshme. Qepjet realizohen me fije tepër të holla, zakonisht të patretshme që hiqen disa ditë pas interventit.

© Copyright 2019 - Kirurgjia Estetike Franceze | Të gjitha të drejtat e rezervuara. - Enfold Theme by Kriesi
Dërgo një mesazh